6.desember

Eg har meldt meg inn i facebook-gruppa "Sarah Bernhardts venner". Nei, det handler ikkje om den franske skodespelarinna som er med ei ei Lucky Luke-historie, men om kaka ein dansk bakar visstnok skal ha kalla opp etter den fabelaktige kvinna. Favorittkaka, favorittdama. 

Dersom kakene har noko som helst med dama å gjere, so må ho ha vore søt, deilig, storslagen, og på den pietistiske, norske måten: Litt syndig. Det er ingen tradisjon for å laga Sarah Bernhard-kaker til jul i familien min, men etter at eg tilfeldigvis las om dei ein stad på internetten var eg hekta på tanken å laga dei. Eg har tenkt på kransekakebotn, sjokoladesmørkrem og sjokoladeovertrekk i fleire dagar - og i går var dagen då eg skulle laga dei. 

Sarah Bernhard og kaffi. God frukost!

Dagen i går vart altså ein sjokoladedag, der eg i tillegg til Sarah Berhard laga ein ny trøffelkrem som står i kjøleskapet og FORÅHPENTLEGVIS er blitt tjukk - og so chocolate con churros til slutt. 

Det blei vilt masse sjokolade, og over lunsj i dag var både Henningen og eg einige om at det i grunnen var nok no. No treng me eigentleg berre ein joggetur!  

Oppskrifta er omstendeleg! Eg tok utgangspunkt i framgangsmåten som stod på facebook-gruppa si side, med nokre endringar.

Botn

200 gram malte mandlar

200 gram melis

3 mellomstore eggekviter, stivpiska.

• Set omnen på 180 grader.
• Bland melis og mandlar, og vend til slutt mandelmassen forsiktig inn i stivpiska eggekviter.
• Form små kaker med skei på bakebrett med papir, strø litt melis på hvis det er klissete og lag ei lita grop oppi.
• Steik i 8-10 minutt, la botnane kvila litt for å setja seg før du flytter på dei.

Sjokolademokkasmørkrem

3/4 dl sukker
1/2 dl vatn

3 eggeplommer

150 gram smør, romtemperert
1-2 ss kakao
1 ss instant espressopulver

• Kok sukker og vatn til ein seig lake, omlag 10 minutt. Hvis den koker for lenge blir det sukker igjen, so pass på.
• Pisk eggekvitene til eggedosis.
• Hell den varme sukkerlaken i ein tynn stråle i eggedosisen. Pisk heile tida. Avkjøl.
• Pisk smør, kakao og kaffipulver inn i sukkerlakeeggedosis, litt og litt smør om gongen. 
• legg ein kladeis med krem oppå kakene. Prøv å laga ein fin topp. Det klarte ikkje eg då, det blei ein ganske stygg topp. 

Glasur

Glasur burde på ein måte vera det enklaste på jord. Det er jo berre å smelta 100 gram sjokolade saman med litt smør! Likevel vart det ikkje noko særleg i går. Det vart jo aldri tynt nok! Eg måtte ha i litt fløyte til slutt, sjølv om eg er redd for at det ikkje kjem til å stivna ordentleg då. Tilslutt vart det no sånn omtrent, og eg la kakene i frysen for å unngå at me et opp alle for fort. 

Konklusjon

Var det godt? Ja. Var det enkelt? Tja. Var det omstendeleg? Ja. Var det likevel verdt det? JA.

Det er ikkje utsjånaden det kjem an på. 

Sløsing med sjokoladeglasur. Heldigvis kunne Henningen berre skrapa det opp og eta det til frukost.