lørdag 24. desember 2011

Julakvelden

I gamle dagar var det nokre stader skikk å skyta jula inn med gevær. Eg har ikkje gevær, men eg har ein blogg, so no bloggar eg jula inn med den. Sjølv om eg eigentleg håper at ikkje so mange sit på internetten nett no!
Sidan det er min blogg, og eg bestemmer over han, markerer eg no jula med ei lita stemningskavalkade frå Bråtet. Fyrst ut er eit bilete som dataen ikkje forstod retninga på; "Natt i Betlehem" av Mari 8 1/2 år. Tilstades: Lesus Krist-us, engelen Angela, Lesus i julestjerna, månen og snø. 

 Vidar presenterer eg ein av dei 3 skalla englane på klokkestreng, produsert av bror på barneskulen ein gong. Juleverkstad på Eikelandsosen barneskule bestod av rullerande grupper med tilmålt tid på kvar oppgåve, og bror kom aldri so langt at englane fekk hår, og vips: ein del av familiemytologien er skapt. Dei skalla englane må alltid opp.
Her er ein annan engel det ikkje blir jul utan, papp-engelen i toppen av treet. Me har hatt den so lenge eg kan hugsa, so den er vel ein 27 år gamal snart. Vaksen dame!
 Treet er pynta....
 ...pinnajøtet er på kok
 ...og pappa har vore nisse hjå naboen. 

No tonar Sondre Bratland si nydelege juleplate "Rosa frå Betlehem" på kjøkenet, søs dekker på bordet,  mor og bror kviler litt, tanta, onkel, mormor, fetter og kusina er på veg frå byn.  Og eg skriv her samtidig om eg julepyntar meg. Ubarberte legger inni tynnstrømpebuksa, slik vart det visst i år. Men eg legg ikkje ut bilete av det. No skal eg ned å dekka på bordet, og det står berre att å skriva ein ting til: 

GOD JUL!

fredag 23. desember 2011

Vetlajulafto, del 2


Kvar jul lagar eg sennep og fordeler rundt til slekt og venner. I år vart det ikkje so mange som eg hadde tenkt, so til neste år får eg vera enno tidlegare ute. Sennepen er supergod, særleg til kokt skinka, og den står seg i fleire veker i kjøleskapet, dersom den er på tett boks. Hvis den varar so lenge då.

Oppskrifta kjem frå den vidunderlege boka «Multer og Makrellskyer» av Tessa Kiros. Ho kallar den «finsk sennep» og fortel om korleis mor hennar laga denne sennepen. Tessa sier ikkje noko om at det er julesennep, men sidan den inneheld so mykje fløyte og greier, og sidan den er so fløyelsmjuk og lekker bruker eg berre å laga den til jul. Den er kjempefin å gje vekk i små eller større krukker.

Det er ikkje honning, det er sennep!
Sennepsen:

45 gram Colmans sennepspulver
115 gram sukker
1 ss salt
1 ss olje
2 ss eplesidereddik
safta av ei halv sitron
2,5 dl fløyte

Ei eller fleire reine krukker eller glas.

1.      Bland sukker, sennepspulver og salt, mos klumpane i pulveret med ei tresleiv. Ha i ei lita gryte med tjukk botn og varm opp på svak varme. Rør heile tida med sleiva!
2.      Ha i olje, eplesidereddik og sitronsaft, og bland godt. (eg bruker å ha desse tre i lag oppi sitruspressaren min, slik at alt kjem oppi samtidig)
3.      Bland inn fløyten.
4.      Kok forsiktig opp, la småkoka i 7-8 minutt. Rør ofte. Sennepen vil tjukna og bli mørkare på farge, som honning eller lys karamell.
5.      Smak om det er ein bra balanse i smaken. Meir salt? Meir sitronsaft?
6.      Kjøl sennepen i gryta, rør avogtil (det blir snerk).
7.      Hell på glas. 

Til venstre: sennep. Til høgre: økologisk rørossmør. Bak: Ferskt julabrød frå Solveig,  mammo te Per.
Og no, nokre andre lekkerbiskenar frå juleførebuingane på Bråtet! Diverre har eg føkka opp formateringa, men no orkar eg ikkje slita med da meira, so da får sjå ut som da gjer, eg orkar ikkje leita i html-koden for eg er so dårleg i dataspråk.  
 
Heimerøyka laks, klart til å pakkast inn og gjevast vekk i presang.



Da ser kanskje ut som ein litt ekkel graut, men da e nylaga aioli etter ordentligmat.no sin 2-minutt framgongsmåte. Her presentert med eit dryss av pimenton.


 Mamma sine nybaka Schakenda-brød.

Ei lita førjulsgåve frå meg til famelien: ein godt modna liten chevre frå Colonialen. Deilig!



  

Vetlajulafto, del 1


Vetlejulafta i år går med til å vaska litt rundt, etter prinsippet: det du ikkje ser treng du ikkje vaska. Då får me tid til litt anna og. Syster mi skal laga pistasj-sjokolade-fudge a la Nigella, men ho har tabba seg ut på den same måten mange andre har gjort før, blant anna meg sjølv. Sanneleg, det seier eg dykk: condensed milk er ikkje det same som vikingmjølk!

Ingen norske produsentar lagar kondensert mjølk av den tjukke, lysebrune, søte varianten som dei likar so godt i utlandet, særleg latin-amerika. Der kokar dei den og lagar «dulce de leche», ein søt og god krem som minnar litt om HaPå – og jammen er ikkje HaPå laga av det same prinsippet! Då eg søkte opp vikingmjølk og kondensert mjølk i stad kom det opp eit fun-fact om at HaPå faktisk vart funne opp under 2.verdskrigen, då husmødre kokte vikingmjølk boksar i eit par timar, og slik fekk eit prim-aktig pålegg som vart heitande Hamar-Pålegget, eller HaPå. Fantastisk informasjon, som alt kjem her frå opplysningssida melk.no

No var det verken prim eller HaPå som skal i fudge-oppskrifta til Astrid, so me kokte boksane i omlag halvannan time. Uåpna altså. Utprøvingsmetoden! Resultatet vart ei litt brunare vikingmjølk, som me til slutt kokte ein halvtime til, saman med om lag 1,5 dl sukker. Då vart den enno brunare, som smørbukk-karamellar om lag, og litt seigare. Det er godt mogleg resultatet hadde blitt nett slik om me berre hadde koka i ein kasserolle, og ikkje trykkokt slik me gjorde. Me har ein boks til, me får sjå om me finn på noko med den seinare.

Og slik er oppskrifta på Nigella sin pistasj-sjokolade-fudge, som blir julepresangen til vetlesøs sine venninner i år:

 Pistasj- og sjokoladefudge

350 g 70% sjokolade
1 boks (397 g) kondensert mjølk – eller ein boks med sjølv-modifisert vikingmjølk.
30 g smør
1 klype salt
150 g pistasjenøtter (usaltede, grovhakket)

 
  1. Hakk sjokolade og nøtter. Nøttene kan leggast i ein brød- eller frysepose og so dæljast lau på med kjevle, som vist fram av Astrid på biletet.
  2. Varm opp mjølka til moderat varme, ha i nøtter og smør og salt og bland alt godt saman.
  3. Bland inn nøttene.
  4. Ha alt i ei firkanta form som er so stor at det blir eit 2-3 cm tjukt lag av massen. Obs! Smartingar legg bakepapir under.
  5. La det setja seg og bli avkjøld, fyrst på benk og so i kjøleskap. 
  6. Skjær opp i passande munnfull-store bitar. Pakk inn som du ynskjer. 
  7. Oppbevar i kjøleskap! Egnar seg og til frysing, seier Nigella. 

Fins det eit godt, norsk ord for fudge eigentleg? Mjuke karamellar? 



Astrid set standarden høgt når det kjem til innpakning. Mor tår i bakgrunnen og lurer på kva som trengst å gjerast no. 

Karamellpakkar som seier god jul!

22. desember


No er eg heime hjå mor og far på vestlandet. No er eg unge igjen. Det er vått og grått, til skilnad frå det tørre, kvite Trøndelag eg forlot i går tidleg, men det gjer ikkje noko. Eg er HEIME.



På grunn av sjukdom, moglegeins den mest omtalte sjukdommen i kommunen i haust*, må me borna trå litt ekstra til for å få jula klar, so allereie til frukost i dag tok eg ein liten skjerv: reinsa kaffitraktaren. Det er noko so uendeleg enkelt og tilfredsstillande ved det å reinsa kaffitraktaren.

Fyrst er det litt ubehageleg  å sjå kor ruskete og mørkt den fyrste runden med vatn faktisk er, men sidan er det bere tilfredsstillande og greit. Eg bruker reinsemiddelet som heiter Cleandrop – det er noko kjemiske greier som nok knapt er økologisk eller bærekraftig, men eg veit ikkje om noko alternativ, og eg synes det er so kjekt at eg knip auga saman for eventuelle feller ved middelet.


Sidan skal eg reinsa alle kaffikannene og, men då bruker eg kjerringråd: BAKEPULVER:

1 ts (eller meir, sidan brusinga er veldig morosam) nedi termosen/kanna.

Fyll på med varmt vatn.

La stå, fryd deg ved brusinga og skummet.

La deg eklast av dei små slintrane av brunt belegg som legg seg oppå skummet.

Hell ut vatnet, skrubb eventuelt nedi med ein oppvaskkost for ein siste finish. 



Slik går kaffikanna di frå å ha eit dimt, brunt belegg inni til å bli skinande og blank. Det er som eit lite julemirakel, og du kan nyta ein enno betre kopp kaffi.



*I alle fall om ein skal døma etter alle som stoppar og ynskjer god betring på butikken! For ordens skuld: det går bra no. 

onsdag 21. desember 2011

21. desember

Eg vil no koma med ei tilråding:

  1. ta vare på stumpar av stearinlys.
  2. lag opptenningsrullar etter Alt Godt.
  3. Gje dei i julegåve til nokon med vedfyr, eller behald dei sjølv dersom du har behov for å tenna opp i ny og ne. 

fredag 16. desember 2011

16.desember

Rett nok er det knapt ei veke att til jul, men det må då gå an å leva i kvardagen og! Som han sa, diktaren. I dag er det fredag, so det er på ein måte dobbelt so mykje skjæringspunkt mellom kvardag og helg - det er dagen før vanleg helg, og i tillegg rett før jul.

Det tyder rett nok ikkje at ein ikkje er superslapp og har lyst på ein ganske kjapp og grei middag før ein skal i bursdagsbesøk. Det vart ein improvisert tunfiskpasta med lauk, sopp og ein skvett fløyte.

Det var godt, men ikkje særleg fotogent, so dette var berre til informasjon.
So no veit du kva eg hadde til meiddag 16. desember.

torsdag 15. desember 2011

15. desember

Gratulerer med dagen. Det var nett ei sak på radioen om kundar som besvimer inne på handlesentra pga lavt blodsukker, stress og varme. Eit handlesenter på Gjøvik har faktisk starta ei eiga utrykningsgruppe som skal ta seg av dei som besvimer, og ambulansepersonell informerer om at dei fleste som kjem inn når dei har uvita har drukke for lite vatn eller ete for lite. Ja, og so går dei inne med alt for varme utejakker.

Då himler eg med auga og føler meg enno smartare.

Smartare, fordi eg ikkje går i saueflokk for å handla akkurat samstundes som alle dei andre.
Smartare, fordi eg lagar heimelaga julegåver, blant anna slike som kan etast.
Smartare, fordi eg lagar deilig middag som gjer at blodsukkerstemninga er på topp.

Dagens blogg handlar om to ting: Rosenkål og brende mandlar, kvar for seg.

onsdag 14. desember 2011

14. desember

Kokebøker eg IKKJE ynskjer meg til jul: 

Til denne klissete, alt for søte epidemien frå USA har eg berre ein ting å sei, ein kommentar eg har lært av ei veldig kul dame som heiter Nina: 
GJE MEG EI BØTTA.
Det er faktisk knapt godt med slike cupcakes. Og kunne dei ikkje funne eit norskt namn i det minste? Eg slår eit slag for trøndersk i denne samanhengen:
koppkak!
Eg får ikkje lyst på boka uansett. Ikkje på koppkak heller. 

 "Åja, so du blei slank og fin av lavkarbo du då? Du slutta å eta ferdigmat og byrja å laga alt frå botnen av med ferske ingrediensar? Ja, det var vel smør og bacon som gjorde deg slank då ja."
Eg blir IKKJE frista! 

Eg har faktisk ikkje ord for kor forbanna og opprørt eg blir av denne boka. Den er rosa, dillete, inneheld store rosa, og dillete bilete til rosa, dillete oppskrifter. Trur eg då i alle fall, sjølv om eg no strengt tatt skodar hunden på håra, eller som det heiter på engelsk: judge the book by it`s cover. Men hallo. Det er ikkje det at eg unner jenter sine rosa prinsessedraumar, eg har hatt mine periodar med prinsesselengt, utkledning og prinsesseteikningar sjølv. Men det eg ser i dag er ikkje vaksne som lar dei små "prinsessene" få utfalde draumane sine - det er eit totalt fråvær av andre fargar, stilar, interesser! Det rosa prinsessehelvetet ser ut til å ha fullstendig hjernevaska ein heil generasjon av små jenter, og eg synes det er idiotisk.  "Kul mat for kule jenter"? Denne boka er ikkje kul, det er kjip einsretting. Dersom du skal kjøpe kokebøker til born, gutar eller jenter, sjekk heller ut Kjøkkenpatruljen av Margit Vea. Eg har ikkje opna den ein gong, men ved fyrste augekast ser ut som den faktisk bryr seg om å laga MAT som barn og vaksne kan eta i lag og ikkje berre om å vera kjip og rosa.


Til slutt: ei bok eg faktisk ynskjer meg. 
Den ser artig ut, og presenterer teknikkar og metodar på ein interessant måte. Denne boka trur eg faktisk eg kan læra litt av og ha det gøy med, i motsetning til ALLE DEI OVER. Drittbøker.

13.desember

Det er den årlege pepperkakebaksten hjå svigermor.


Baby-forma er favoritten min. 

Prosjektering med smelta sukker.  
Arkitektur.

Kva er årets prosjekt?

Ta-da! Eit operabygg!

mandag 12. desember 2011

12.desember

Det er ikkje utsjånaden det kjem an på!

Eg har alltid lyst til å invitera til juleverkstad, for det er so triveleg! Det er ikkje alltid det blir, men i år blei det, heldigvis. Og for den som trur dette skal bli ein slik skrytepost der eg med falsk beskjedenheit skal visa kor raus og gjestmild og flink og kreativ eg er - nei. 
Foreksempel lagde eg berre ein ting sjølv på juleverkstaden, og det var ei heilt vanleg julakorg. Eg virra fram og tilbake, høg på livet og på planene om dagens måltid: Graut (av grautris, sidan det er både stiligare og betre - og ikkje minst akkurat like enkelt som posegraut)

Det er så jovialt! Det var til og med eit barn med!

Utover kvelden vart juleverkstaden til eit juleselskap, med mindre gløgg i vinen, mindre glitter og limstift, men like god stemning. Sidan gjestane var der heile dagen tenkte eg det var på sin plass med litt nattmat, og eg hadde bestemt meg for å laga Kapustnica, ei heftig suppe som er julaftensmiddag i Slovakia. Surkål, pølse, skinke og bacon? Veldig bra nattmat. Eg går ut frå at det gjeld Kapustnica som det gjeld lapskaus/betasuppa (eller sodd for den del) her i landet: at det fins like mange variantar som det fins familiar. Eg kunne jo sjølvsagt ha gått for denne utvida oppskrifta her , med heile epler og store kjøtstykke  i ei suppe berekna til 50 porsjonar - men eg gjekk for ein litt enklare variant. Snøgg-suppa, rett og slett. Frå eit spørsmål om mat vart ytra til suppa var klar gjekk det kanskje ein halvtime eller noko. Eg var kanskje ein smule bekymra for om det kom til å vere noko godt (surkål-suppa??), men då den fyrste gjesten tok sin fyrste smak og utbraut: "Dette var kjempegodt!" forstod eg at eg har kome over ein stayer. 


søndag 11. desember 2011

11. desember


Julestemninga er kome i hus med dette dødsfine grautlyset frå Europris og ein duk rett frå skapet.

Det er den tredje sundag i advent, men eg tenner ikkje lys i adventsstaken, fordi me tjuvstarta og tente tre lys i går. No har dei brent akkurat so lenge at det er eit perfekt forhald mellom lengda på dei tre lysa som har vore tent - so no må eg venta til neste sundag. I mellomtida er eg rampete, eg bles i konvensjonaneog har tent raude julelys SJØLV OM DET EIGENTLEG IKKJE ER LOV FØR JULA!



Han søv ikkje, han skrapar flaxlodd. Det blei ikkje noko på oss diverre.


Det gjekk litt skeis med den daglege desemberblogginga, eller adventskalenderen på Juksemat, og det har fleire årsaker. Eg nemner i fleng: tannverk, feber, sliten. No er eg frisk att då, og i går var det juleverkstad og juleselskap og julekos og julemat i heimen. Det var  gode folk, god mat, god vin og særs god stemning. Av det som vart juksa fram og servert vil eg særleg trekka fram Pumpkin Pie Kahlua Smoothie og ei suppe inspirert av den slovakiske julesuppa Kapustnica.
Alle desse kunne eg ha blogga om, men ikkje no. Dagens innlegg skal handla om ein liten søtsak som eg aldri har fått heilt til før:  MARENGS.

tirsdag 6. desember 2011

6.desember

Eg har meldt meg inn i facebook-gruppa "Sarah Bernhardts venner". Nei, det handler ikkje om den franske skodespelarinna som er med ei ei Lucky Luke-historie, men om kaka ein dansk bakar visstnok skal ha kalla opp etter den fabelaktige kvinna. Favorittkaka, favorittdama. 

Dersom kakene har noko som helst med dama å gjere, so må ho ha vore søt, deilig, storslagen, og på den pietistiske, norske måten: Litt syndig. Det er ingen tradisjon for å laga Sarah Bernhard-kaker til jul i familien min, men etter at eg tilfeldigvis las om dei ein stad på internetten var eg hekta på tanken å laga dei. Eg har tenkt på kransekakebotn, sjokoladesmørkrem og sjokoladeovertrekk i fleire dagar - og i går var dagen då eg skulle laga dei. 
Sarah Bernhard og kaffi. God frukost!
Dagen i går vart altså ein sjokoladedag, der eg i tillegg til Sarah Berhard laga ein ny trøffelkrem som står i kjøleskapet og FORÅHPENTLEGVIS er blitt tjukk - og so chocolate con churros til slutt. 
Det blei vilt masse sjokolade, og over lunsj i dag var både Henningen og eg einige om at det i grunnen var nok no. No treng me eigentleg berre ein joggetur!  

mandag 5. desember 2011

5.desember

Til deg som har googla "lavkalori kake" for å koma til denne bloggen:
LOL.


Kva skal ein stakkar gjera då, når ein prøvde å laga sjokoladekrem med nellik (a la trøffelkrem), og den går til helvete? Seriøst, eg veit at eg har fått det til før, men nett no er eg veldig usikker på om, og i so fall; korleis, fløyte og sjokolade kan gå frå ein litt tjukk, men framleis heilt flytande saus til fast krem. Og eg har jo ein heil boks med småkjeks som berre venter på å parast opp med eit lekkert lag nelliksjokoladekrem i mellom! Dagens i-landsproblem.


Svaret er åbenbart når ein har ein kjærast som elskar sjokolade og som har budd i Spania før: Chocolate con Churros. Tanken på å drikka ein kopp kakao som består av berre fløyte og sjokolade er litt heftig. Men når ein kan dyppa friterte deig-krøllar oppi! Då blir det jo ein spansk tradisjon, og heilt logisk!


Herregud, for ein sjokolade-dekadanse. Er det eigentleg LOV? Det burde ikkje vore lov. Men det var innmari deilig.


søndag 4. desember 2011

4.desember


Desember. 

For mange representerer desember eit heilt anna stress enn juleførebuingsstresset. Eg snakkar om studentane, og eg snakkar om eksamenstid.

Med eksamenstida kjem sjølvbebreidinga, alt ein skulle gjort før! Kor ein skulle ha jobba og lese jamnt og trutt! Kor dust det er å sitja der med hundrevis av sider pensum ein ikkje har lese!

Med eksamenstida og sjølvhatet kjem og prokrastineringstida. Prokrastinering er eit ord mange lærer seg i løpet av studietida, og med ein gong ein høyrer om det går det eit lys opp for studenten: Åja! Det er DET eg gjer! 

Prokrastinering er å gjera noko anna enn det ein burde, faktisk absolutt alt anna enn det ein eigentleg skal, eller sagt på ein annan måte: Kasta vekk verdifull lesetid.

Heldigvis tek prokrastineringa ofte ei konstruktiv form, som til dømes husarbeid, eller sortering av bilete inn i fotoalbum eller slette gamle mail eller på andre måtar laga orden i eit rotete rom eller hovud. Dette oppleves som noko betre enn dersom ein har spela angry birds eller bubble shooter heile dagen.

Dagens luke kan vera ei slik konstruktiv form for prokrastinering. Me snakkar om mettande, næringsrik og vegetarisk middagsmat, laga frå botnen, og i tillegg ei so stor oppskrift at det utgjer fleire måltid - opp til mange måltid, særleg hvis det er snakk om ein person og ein har noko tilbehør. Og so er det dødsgodt!


Eg snakkar om FALAFEL. 
Hvis du ikkje vil ha, kan du heller ta litt  Fa la la.

Ulempen med denne oppskrifta er at den er omstendeleg, tidkrevjande og krev planlegging. Fordelen er at når du fyrst har laga ferdig falaflane, fritert og frosse ned, so har du ein deilig hovudrett klar for handa. Lenge.

lørdag 3. desember 2011

3. desember


Eg er so krampehipp bloggar at eg blir flau: Eg står på Byscenen, på Trondhjemsdesignernes julemarked og oppdaterer bloggen sidan eg ikkje rakk det før eg måtte ta bussen heimefrå. MEGALOL!

I det eg skal til å bevega meg inn i eit handycrafty, førjuls handlebonanza synes eg det er på sin plass å minna både meg sjølv og andre på at det ekle kjøpehysteriet med neonlys og julemaskara verken bidrar til trivsel, snille barn eller har noko med den eigentlege julebodskapen å gjera. Dette minner eg om med følgande to kulturprodukt:



Eit kunstverk eg sjølv har produsert på whiteboarden til Gjøran og dei, inspirert av den hysteriske bloggen "Ugly renaissance babies" og luke ein i Alternativ julekalender: Honningbarna sin kritiske song "God Jul jesus". Alternativ Julekalender er ein digital, musikalsk julekalender eg anbefaler av heile mitt hjarte, og songen til Honningbarna er skarp og kritisk med full av frekke formuleringar og punkete haldning.

Ja, men so er det jo ein matblogg dette her, so det må vere noko matrelatert, og i desse smørkrisetider har eg tre kjekke tips:


  1. Det er ikkje SO ille med Melange at det ikkje går an å ty til når mediehysteriet har fått oss til å gå mann av huse av mangel på smør.
  2. Ta vare på bacon- eller ribbefett. Hell da i ein boks eller eit glas eller noko, oppbevar i kjøleskapet og bruk det på skjevo, eller til å steika i. Arne Brimi sa da på radioen i stad og, faktisk. 
  3. Go crazy  - lag smøret ditt sjølv. 

Sjå kva eg teikna!
PS: Trondhjæmmers: kom innom julemarknaden! Mykje fint og flott!
PS 2: Gratularises til den som klarar å finna den skjulte smørpakken i posten. 

fredag 2. desember 2011

2. desember

Tusen takk for fabelaktige kommentarer og ein overveldande respons på fyrste innlegg i adventskalenderen! Eg blir statistikk-junkie av sånt. 
I dag er det tid for luke 2, og det blir ei todelt luke.

 Fyrst- ein liten gullklump av trøndersk julestemning frå youtube, teksten her.

Adamseplene var ein fin gjeng kan du tru: Hans Petter Nilsen, Klaus Joachim Sonstad og Ivar Nergaard. Dei hadde, om eg ikkje hugsar feil, sketsj- og musikkbaserte sceneshow, og ikkje minst programmet Full pupp på NRK. Er det nokon som hugsar det?

Uansett, denne superfine trønderske versjonen av den rå og nydelege Fairytale in N.Y. har berre 547 visningar på youtube per i dag, so eg synes alle skal spre bodskapen. Trønderske juleeventyr til folket!

Og so: meira julakjeks.
I ein av kommentarane frå i går skreiv søte Lene frå gamledagar på Studentersamfundet om korleis ho har vore på spansk IKEA og kjøpt pepperkakeformer, men ikkje fann ferdig pepperkakedeig. Fortvil ikkje, Lene! Pepperkakedeig er nokså omstendeleg å laga (og strengt tatt ikkje dei beste julakjekso til å eta heller), men eg har eit flott alternativ til deg!

Oppskrifta kom eg over i den tidlegera nemnde supre bloggen Ekstremt bra, Utrolig fint. Dei fine jentene der kallar kjekso for vaniljekjeks, men då eg fann ut at eg skulle laga dei viste det seg at eg ikkje hadde vaniljesukker. Då brukte eg kanel i staden for, og det blei veldig godt. Der har du the beauty of these kjeks. Det er ein smidig og enkel deig, lett å laga, lett å kjevla, lett å stikka ut, lett å steika og ikkje minst: Lett å eta. Nam. Og so kan du bruka den smakstilsetjinga du vil!


Kjeks a la Marte og Hanne
190 g smør
1 kopp melis
1-2 ts vaniljesukker
2,5 kopper mel
1 egg
Smakstilsetjing. Kanel? Kinesisk five spice? Litt rive sitronskal? Appelsinblomstvatn? Ei blanding julakrydder som malt nellik, ingefær, anis, allehånde? Kva du vil!

  • Set omnen på 180 grader.
  • Bland godt saman smør, melis, vaniljesukker og annan smaktilsetjing.Vær gjerne litt forsiktig med smakstilsetjinga, 1/2 til 1 ts er sikkert nok til å gje eit subtilt hint av smaken, mange krydder vil bli litt for dominerande vil eg tru. Smak til!
  • Ha i mel og egg, rør til ein mjuk og smidig deig, du må gjerne bruke hendene på slutten.
  • Deigen kan med fordel leggast i kjøleskapet litt for å bli litt fastare og enklare å jobba med.
  • Kjevle ut deig, stikk ut kaker.
  • Steik i 10-12 minutt, men pass på. Kjekso blir ikkje gyldne, men forblir like kvite, bleike og delikate heilt til dei blir svidd. 

Deigen står seg fint i kjøleskapet eit par dagar hvis du ikkje gidd å laga alt på ein gong, slik tilfellet var då eg laga kanelkaker. Neste gong skal eg laga med kinesisk five spice! Det har eg trua på.


torsdag 1. desember 2011

1.desember

Velkomen til fyrste luke i den joviale julekalenderen her på Juksemat! 

Gjøran og frk Juks prestenterer: Jødekaker
Den fyrste dagen i desember vert, tradisjonen tru, feira heime hjå gutta i Nedre Møllenberg Gate; Gjøran, Geir og Roar, som ikkje er kome enno. Henningen og eg er på plass, i tillegg til fleire vidunderlege folk: Hjørdis og Tom, og ei foreløpig sovande Herdis.

Ribba er i ovnen, me fråtser i julemusikk, klementiner og snop, og i skrivande stund ser me Blåfjell. Seinare skal me sjå Love Actually, eta eit voldsomt julemåltid og kanskje baka pepperkaker hvis me gidd.

Nytt av året var ein spanande form for bakst: Jødekaker. Kakene er luftige, mjuke og veldig gode kjeks. Dei kunne like gjerne ha heitt "jødiske kaker", noko som kanskje ville vore litt mindre spesielt, men det heiter dei altså ikkje. Wikipedia fortel at jødekaker er av sefardisk opphav,
noko som tyder at dei er kome til Skandinavia frå jødar i Spania og Portugal.

Dette er kanskje ikkje dei mest utbreidde kakene, men på vestlandet kan dei kjøpast på butikken. Sjølv kjenner eg dei helst frå famelien Helland heime i Eikelandsosen, og oppskrifta kjem frå mor Helland. Eg fekk oppskrifta i sommar, behørig skriven opp på ein konvolutt,  men i dag var fyrste gong eg prøvde henne. Resultatet vart so fantastisk at eg sporenstreks bestemte meg for å laga adventskalendar, berre slik at desse vidunderlege småkakene kan vere den fyrste luka.

Fenga? Interessert? Trykk på les meir for oppskrift, framgongsmåte og fleire joviale fotos!

Har du sett noko so høgt og flott?  It`s a christmas miracle!